TUISBLAD  |  MEER OOR BREINBESERINGS  |  DIE BOEK  |  NEURO-KINETICS | EMMER VIR 'n WENNER | KONTAK | BESTEL

Geen mens verwag ooit om blootgestel te word aan die doolhof van hospitale, mediese terminologie en trauma wat gepaard gaan met die besering van ’n geliefde nie. Skielik, noudat jy jouself daar bevind, word jy oorweldig deur gekompliseerde en tegniese informasie en is jy nie emosioneel daartoe in staat om voldoende sin daarvan te maak nie.

Op 23 Maart 1999 in haar tweede jaar as Wiskunde student op Universiteit, was Lindie in 'n motorbotsing betrokke. Sy was 10 weke lank in ’n koma (van ’n diep koma – 3/15 op die Glasgow-skaal tot semi-komaties) as gevolg van diffuse breinbesering. Drie maande na die botsing is sy huis toe as ’n hemipleeg (verswakking aan die een kant van die liggaam), waar sy moes leer praat, loop, sit, emosie toon, ensovoorts, alles wat ’n 19-jarige mens kan doen.

Besoek die breinbesering-groep op

Lindie, twee weke voor die ongeluk

Ses maande na haar ongeluk

 

Die ondersteuning wat Lindie ontvang het van haar gesin, vriende, familie en totale vreemdes, was ongelooflik. Wat egter opmerklik was, was hoe moeilik dit was om inligting oor geslote hoofbeserings te bekom. Susan, Lindie se ma, het hierdie behoefte aangespreek deur 'n boek "Nuwe Lewe na 'n Breinbesering" te skryf. Sy vul die boek ook aan met hierdie webwerf. Die doel van hierdie webwerf is dus om vriende en familie van 'n geliefde met 'n breinbesering te ondersteun. Hoewel dit, soos die boek, nie 'n medies gids is nie, verskaf dit eenvoudige raad vir geliefdes wat hulself in 'n baie onbekende, en soms vreesaanjaende, plek bevind.

Meer oor Breinbeserings

Hoe word die diepte van 'n koma gemeet? Wat is die eerste ding wat jy moet doen as 'n geliefde 'n breinbesering opdoen? Wat is die gevolge van 'n breinbesering? Wanneer 'n geliefde 'n  breinbesering opgedoen het, het 'n mens duisende vrae en dit mag dalk voel asof niemand dit wil of kan antwoord nie. Hoewel Susan nie 'n mediese kenner is nie, is daar baie wat sy geleer het tydens Lindie se koma en herstel. Kliek hier om te sien wat sy met graagte deel.

Die boek: Nuwe Lewe na 'n Breinbesering

Deur Susan Larney:

Min mense sonder mediese opleiding stel werklik belang om meer te wete te kom oor breinbeserings. Die statistieke is verstommend: Ongeveer 150 000 persone doen jaarliks net in Suid Afrika breinbeserings op! Wanneer jou geliefde een van daardie 150 000 is, is dit vir jou van kardinale belang om meer te weet. Susan het geen moeite ontsien om meer te wete te kom nie. Al hierdie inligting is op 'n verstaanbare manier vervat in hierdie boek.

Susan het dagboek gehou van haar en Lou se ervarings en ook van Lindie se vordering. Al hierdie inligting word nou in 'n boek beskikbaar gestel vir die familie en vriende van iemand met 'n breinbesering. Kliek hier vir meer inligting.

Kontakbesonderhede

Tydens en na Lindie se herstel, het Susan haarself daaraan toegewy om ander wat deur dieselfde krisis worstel te ondersteun. Sy doen dit steeds en hoop dat hierdie webwerf haar in kontak sal bring met mense wat ondersteuning nodig het. Kliek hier om haar te kontak.

© Kopiereg 2009